Odne álgá čáhcecrossa Eurohpá measttirgilvvut Soađegilis, ja doppe leat norgalaččat gilvvohallame.
Soađegilis, Davvi-Suomas, lágidit dán jagi Eurohpa measttirgilvvuid čáhcekrossas.
Vihtta vuoddji Norggas leat doppe ja galget geahččalit viežžat golli.
Guovdageaidnulaš, Niillas Jovnna Länsman, lea okta sis. Son lea ovddeš EM vuoiti, muhto lea bártidan skohteriin dán jagi.
Dál son lea ođđa mutuvrra ožžon skohterii, ja jáhkkimis čoavdán eará hástalusaid, nu dál lea gearggus gilvalit ja viežžat fas EM-pokála ruoktot.
Kárášjohkalaš, Joachim Olsen, lea várra sámi bártniin son gii lea lihkostuvvan buoremusat dán jagi.
Su skohter lea doaibman bures, ja son lea earret eará Ruoŧa measttirgilvvus vuoitán Árvvesjávrris.
Norgga vuoddjit:
Einar Kristiansen/ski-doo
Niillas-Jovnna Länsman/Polaris
Joachim Olsen/Polaris
Niillas Issat Juhan Kemi Hætta/Ski-doo
Morten Blien/Arctic Cat
