Kárášjoga gielda dieđiha ruovttusiiddus ahte dál lea gielda lasihan lieggasa Kárášjoga dearvvašvuođaguovddážis.
Kárášjoga gielda dieđiha gieldda ruovttusiiddus, juovlamánu 29. beaivvi, tiibmu 12.42 ahte elrávnnji boatkaneami dihtii dál, go leamaš buolaš, de leamaš váttisvuohta doalahit dássidis sislieggasa dearvvašvuođaguovddážis.
– Mii leat geahčadeamen rutiinnaid mo sihkkarastit iežamet ássiid go fáhkka dáhpáhusat čuožžilit. Lea oahpes ášši ahte visttit leat boarrásat. Mii leat bidjan johtui máŋggaid doaibmabijuid sihkkarastin dihte ahte pasieanttaid/ássiid lanjain ja oktasaš lanjain lea dohkálaš liekkas, čállá Kárášjoga gielda.
