-Almmuhus-
-Almmuhus-
-Almmuhus-
OĐĐASATElliot-febar Guovdageainnus

Elliot-febar Guovdageainnus

-

-

Konsearta ii álgge ovdal guđas, muhto sii leat iđđes beal gávcci áigge juo boahtán Báktehárjji olggobeallái čuožžut uvssa duohken. Geahča video:

Sii leat ceggen tealttá vel Báktehárjji olggobeallái, go galgá leat sihkar ahte besset ovddemussan sisa, ja dieđusge buot ovddemussii lávddi lusa.

 – Mii leat boahtán deike dál juo, vai beassat vuosttaš ráidui go konsearta álgá. Ja tealttá mii leat váldán vai beassat mannat dohko jus šaddá galmmas vuordit. Doppe leat mis diŋggat ja gokčasat. Dál leat diŋgon pizza vel deike, muitalit dát nuorra Guovdageainnu nieiddat.

 – Lehpet go dii áibbas Elliot fánssat?

 – Juo, leat, áibbas čielgasit, vástidit nuorra nieiddat ja boagustit.

 

Stuora dáhpáhus

Guovdageainnus lea stuora dáhpáhus go suoma lávlunnásti Isac Elliot doallá odne doppe konseartta. Dan oktavuođas leat leat iešguđet eará dáhpáhusat maid odne, nugo gilvvut main vuoitit vejolašvuođa deaivvadit Isac Elliotain. Muhto sii lohket stuorámus dáhpáhussan dieđusge leat ieš dan konseartta.

 – Mu mielas šaddá suohttaseamos oaidnit man movttet Isac Elliot lea lávddi nalde, dadjá okta sis.

Cogget gávttiid

Buohkat dáin nieiddain áigot gávttiid coggat konsertii. Muhto eai buohkat sáhte oktanis mannat čiŋadeame, go muhtin sis galgá doallat saji das uvssa ovddabealde čađat, vai lea sihkar ahte besset ovddemus sisa Báktehárjai go uvssat rahpasit.

 

Geahča movt nieiddat illudit konsertii: 

-Almmuhus-