Gaskavahku bođii diehtu ahte guovdageaidnulaš ja Olgešbellodatpolitihkar, Ellen Inga O. Hætta, lea eretvádjolan.
Son šattai 69 jagi boarisin, ja lei guhkit áigge buohcan.
Earret eará lei son vuosttaš ja áidna nissonolmmoš gii dássážii lea leamaš Guovdageainnu sátnejođiheaddjeámmáhis. Son lei maid Olgešbellodaga ráđđehusa stádačálli. Dasa lassin son lei boazodoallodirektevra, ja loahpas vel Sámi joatkkaskuvlla ja boazodoalloskuvlla rektor.
Ellen Inga O. Hætta lei 37 jagi leamašan Olgešbellodaga miellahttun ja dakko bokte šattai maid gudnemiellahttun.
Ellen Inga O. Hætta guođđá bálgáid mat bohtet guhká vuhttot. Son lei dakkár gii dagai saji gokko vánddardii, ja lei oaván olles iežas eallima, gitta váibbai ja eretvádjolii.
