-Almmuhus-
-Almmuhus-
-Almmuhus-
OĐĐASATElle Sofe lea Davvi-Norgga Feasta­riemuid profiila

Elle Sofe lea Davvi-Norgga Feasta­riemuid profiila

-

-

Festspillene i Nord-Norge almmuhii mannan vahkus multidáiddára Ingeborg Oktobera ja koreográfa ja filbmarešissevrra Elle Sofe Sara 2020 ja 2021 Feastariemuid profiilan.

– Mii leat hirbmat ilus go leat fáhten ná guokte nana Davvi-Norgga dáiddára geat guktot bargaba šáŋgerrasttildeaddji fáttáiguin ja geat dál háliideaba bargat guovtti jagi badjel ja nu almmuhit iežaska barggu sihke 2020:s ja 2021:s, lohká Feastariemuid direktevra Ragnheiður Skúladóttir.

Skúladóttir čilge ahte dáiddalaš barggut ádjánit ja sii doivot ahte go dán ortnega ealáskahttejit, de addet dáiddáriidda vejolašvuođa viiddidit iežaset dáiddalaš lávddi geahččalemiide ja ođđa ovttasbargguide. 

–Seammás háliidit addit Feastariemuid gehččiide vejolašvuođa oahpásmuvvat dán guovtti hirpmástuhtti dáiddáriin, dadjá Ragnheiður Skúladóttir.

– Stuora gudni

Elle Sofe Sara ássá Guovdageainnus gos son bargá koreográfan ja rešissevran. Son lohká alcces stuorra gudnin beassat Davvi-Norgga feastariemuid profiilan. Vuosttaš jagi áigu čájehit maid dál bargá ja maŋit jagi fas juoidá ođđa hutkosa. 

Multidáiddár Ingeborg Oktober lávlu Davvi-Norgga viissáid ja rock/álbmotšaŋŋerlávlagiid. Su lávlunvuohki hástala olbmuid guldalit dárkilit maid lávlu. Lohká atná gudnin go lea ožžon dákkár luohttámuša Davvi-Norgga feastariemuin. Nuppi jagi áiggošii bargat sihke filmmain ja musihkain,

 

-Almmuhus-