-Almmuhus-
OĐĐASATElle Márjjá konsearta Gáivuonas

Elle Márjjá konsearta Gáivuonas

-

-

Riddu Riđđu, Davvi álbmogiid guovddáš ja Giellasiida leat ráhkadan prográmma mas lea olu sisdoallu. Sii fállet sihke konseartta, filmma ja herskkuid.  

Duorastaga guovvamánu 3. beaivvi čájehuvvo nuoraidskuvlaohppiide filbma «Eallin» Davvi álbmogiid guovddáža sáles. Filbma lea Inger Ellen Baal birra. Davvi álbmogiid guovddáš lea ovttas filbmadahkkiin Ørjan Marakatt Bertelseniin buvttadan filmma. Dan maŋŋel guossohuvvo biđus lunšan.  Lávvordaga guovvamánu 5. beaivvi diibmu 21.00 doallá Elle Márjá Eira akustihkalaš konseartta kultursáles. 

Sotnabeaivvi guovvamánu 6. beaivvi diibmu 10.00 gesset sámi leavgga Davvi álbmogiid guovddážis. Dasto lea rabas gáfedat gos vuvdet biđđosa, guopparmállása, gáfe ja gáhkuid. Diibmu 13.00 doallá sátnejođiheaddji Bernt Lyngstad sáhkavuoru. Dan maŋŋel lea bearaškonsearta Elle Márja Eirain gosa lea nuvttá sisabeassan. Jus lea čáppa dálki, de leat maid olgostohkosat mánáide ja dolastallan ja gáfestallan. 

-Almmuhus-