«Skavlan» nammašas TV-prográmma lea skandinávia stuorimuš talkshow man Fredrik Skavlan jođiha. Ođđaseamos prográmmas lea sámi artista Ella Marie Isaksen Hætta guossis.
«Skavlan» nammašas TV-prográmmas deaivvada Fredrik Skavlan Davviriikkaid ja internationála gussiiguin.
Sámi artista Ella Marie Isaksen Hætta muitala iežas rahčamusa luonddu ovddas ja ovttas ISÁK joavkkuin son čuojaha «Ain du» lávlaga, čállá Skavlan Talkshow neahttasiiddus.
Prográmma sáddejuvvo sihke Ruoŧas ja Norggas, SVT:s ja TV2:s, dán bearjadaga ja lávvordaga.
