Elin & The Woods leat almmuhan ođđa lávlaga. Lávlaga namma lea «Breath of the earth», mii lea eaŋgalasgillii ja das lea luohti maid mielde.
Lea vejolaš guldalit lávlaga buot musihkkageavahanvuogádagain.
Lávlaga sáttasátni lea ahte jos orru ráfálaččat luondduin, de ii dovdda ahte lea okto.
Sin mielas lea dat fiinna sáttasátni ovddidit juovllaid áigge. Dalle lea boddu árgabeaivvis gávdnat iežas ja álggahit ođđa jagi.
Elin & The Woods leat ovdal oassálastán Melodi Grand Prixas 2017:s lávlagiin «First step in faith/oadjebasvuohta», gos bohte goalmmádin.
