Ráđđehus lea mearridan ahte el-biillaide galgá fas olles divat, dál rahpet eará ortnega.
Dán rádjái eai leat biilaeaiggádat, geat ostet el-biilla, dárbbašan lasseárvodivada máksit stádii. Dál lea ráđđehus fas mearridan dat divat galgá el-biillaide.
Liikká sii leat rahpan eará sullasaš ortnega, mii galgá buhtadus leat dan sadjái go ii máksit lassiárvodivada.
Dasa reagere ge Norsk elbilforening, dahje Norgga elbiilasearvvi generálačálli, Christina Bu.
Son dadjá ahte lasseárvodivatkeahtes elbiillaid besse olbmot oastit, dat lei dat buoremus dálkkádatdoaibma, muhto dál njeaidá ráđđehus dan ortnega.
Rihkkot lohpádusaid
Norges Automobile Forbund, NAF maid reagere, sihke go lasseárvodivat jávká ja ahte doarjjaortnet boahtá dan sadjái, muhto maiddái danin go 500 000 ruvnno rájes áigu ráđđehus juo gáibidit lasseárvodivada.
NAF gulahallanhoavda, Camilla Ryste lohká ahte ráđđehus lei Hurdalsplattfoarpmas lohpidan ahte lasseárvodivat ii galgga elbiillain álgit ovdal 600 000 ruvnno rájes. Reviderejuvvon stádabušeahtas dadjet ahte lasseárvodivat galgá miljonbealis juo álgit, dainna rihkku ráđđehus lohpádusa.
Ryste maid moaitá ortnega, go sii geat dál leat diŋgon elbiilla mii ii soaitte leat gárvvis ovdal boahtte jagi, ahte sidjiide maid šaddá lassigollu dainna go lasseárvodivat galgá juo 500 000 ruvnno rájes doaibmagoahtit.
– Dán ferte Stuoradiggi dál čorget, lohká Ryste.
