Norgga eiseválddit leat jávkadeame olles goddeealu. Seammás ballá ekspearta ahte dávda sáhttá njoammut olbmuide.
Norgga eiseválddit leat jávkadeame olles goddeealu. Seammás ballá ekspearta ahte dávda sáhttá njoammut olbmuide.
Mikrobiologa professor Colorado State Universitys ballá ahte mutašuvnnat sáhttet dagahit nu gohčoduvvon zonoose, mii fas sáhttá dagahit ahte elliiddávddat sáhttet njoammut olbmuide. Dan dieđiha Nationen aviisa.
– Jáhkán ahte dat stuora gažaldat loahpa loahpalaččat lea sáhttá go zonoose dáhpáhuvvat. Lea go ođđa gussadávda, jearrá Zabel. Son lea njunnošis CWD-dávdda dutkamis.
Eai dieđe movt lea boahtán Norgii
Njoammu CWD-dávda gávdnui Nordfjella goddeealus, ja Norgga eiseválddit leat bidjan olu návccaid vai dávda ii njoamoše. Olles ealu galgá jávkaduvvon ovdal geasi, oktiibuot 2 200 ealli.
Ovdal lea dávda dušše leamaš USA:s, Lulli-Koreas ja Kanadas. Dutkit eai dieđe movt dávda lea boahtán Norgii. Ovdal lea dávda njommon go leat sirdán elliid nuppi guovllus nuppi guvlui.
Dutkan čájeha ahte dávda lea áin rievdame, ja olu čájeha ahte dat sáhttá maid fáhkka čuožžilit. Jus dávda ii leat boahtán USA:s Norgii, de sáhttá duođaštit dán teoriija.
Sáhttá njoammut
CWD-dávda lea nu gohčoduvvon priondávda, mii boahtá go leat boasttu proteinnat vuoiŋŋamaččain, maid gohčodit prionan. Priondávda man dovdat buoremusat lea gussadávda, mii šattai hástalussan go álggii olbmuide njoammut.
Zabela mielbargit leat dutkan dávdda, ja leat gávnnahan ahte CWD-dávdda prionat sáhttet láhttet dego olbmuid prionproteinnat.
– Jus mii jurddašit ahte CWD-dávda lea ođđa priondávda, de čájehit dát iskosat ahte dán dávdda priovnnat easka leat ealláme. De lea dušše áigegažaldat goas dát njoammu olbmuide, lohká Zabel Nationen aviisii.
Gilde hádja-ávdnasiid
Gávdnojit maid eará čilgehusat dasa movt dávda lea Norgii boahtán. Olusat leat cealkán ahte dávda sáhttá boahtán hádja-ávdnasiid mielde. Bivdit geavahit daid bivddus, vai eará eallit bohtet lusa.
Biebmobearráigeahčču gilddii árabut dan čavčča dakkár hádja-ávdnasiid Norggas ja muhtun báikkiin Ruoŧas ja Suomas.
Norgga dearvvašvuođaeiseválddit leat dássážii deattuhan ahte dávda ii leat njommon olbmuide.
(©NTB)
