Ekspeartajoavku evttoha rievdadit gáibádusaid oažžut universitehtastáhtusa. Evttohusat leat sáddejuvvon dutkan- ja alitoahppoministarii.
Joavku háliida earret eará váldit eret dan gáibádusa ahte galget leat njeallje doavttergrádaprográmma, čállá Máhttodepartemeanta preassadieđáhusas.
Dál lea gáibádus ahte galget leat njeallje doavttergrádaprográmma vai sáhttá šaddat universitehtan.
Viidáset háliida joavku ahte dálá gáibádus stabiila dutkanohppui joatkašuvvá. Joavku oaivvilda ahte berre čadnot olles institušuvdnii dan sadjái go ovttaskas doavttergrádaprográmmaide.
Norgga studeantaorganisašuvdna (NSO) bargá áimmahuššat fágalaš, sosiála ja ekonomalaš beroštumiid ja rivttiid studeanttaide Norgga universitehtain ja allaskuvllain. Sii leat positiiva joavkku evttohusaide.
– Mii oaivvildat ahte lea riekta ja dehálaš ahte lea fágalaš bealátkeahtes orgána mii mearrida gealbudahttá go institušuvdna leat universitehta vai ii, ja sávan ahte ráđđehus guldala joavkku, dadjá jođiheaddji Maika Godal Dam NSO:s.
(©NTB)
