-Almmuhus-
-Almmuhus-
-Almmuhus-
OĐĐASATEksámenáigi 240 000 oahppis

Eksámenáigi 240 000 oahppis

-

-

Eksámenáigi lea giđđamearka, seamma go miessemánu 17. beaivvi ávvudeapmi. Eksámenáiggis galget 240 000 oahppi čađahit 278 000 eksámena, 400 iešguđet fágas.

Dál álgá oallugiin eksámenáigi. Bearjadaga diibmu ovcci rájes ožžot vuođđoskuvllaid ja joatkkaskuvllaid oahppit dieđu galget go eksámena váldit, ja makkár fágas.

Dán giđa eksámenáigi álgá miessemánu 16. beaivvi ja bistá geassemánu 7. beaivái. Dan dieđiha Oahppodirektoráhtta preassadieđáhusas.

 

– Ožžot seamma, oahpes fálaldaga

Skuvllat leat ovdal fállan ohppiide veahkkeneavvuid neahta bokte. Dál galget joatkkaskuvllaid eaiggádat, fylkkagielddat, sihkkarastit ahte buot oahppit miehtá fylkka besset geavahit daid seamma veahkkeneavvuid.

– Min mielas lea buorre go oahppit ja privatisttat besset geavahit seamma veahkkeneavvuid eksámenis. Dat mearkkaša ahte ožžot seamma fálaldaga, vaikko makkár skuvllas leat. Oahppit geavahit oahpahusas veahkkeneavvuid neahtas, ja leat oahppásat oahpponeavvuide maid eksámenis besset geavahit, lohká Hedda Birgitte Huse, Oahppodirektoráhta ossodatdirektevra.

-Almmuhus-