Eanaš ohccit joatkkaskuvlii leat ožžon skuvlasaji, ja eanet oahppit leat válljen fidnofágaid.
Eanaš ohccit joatkkaskuvlii leat ožžon skuvlasaji, ja eanet oahppit leat válljen fidnofágaid.
75 800 ohcci ohce skuvlasaji jo1, ja ovccis logi ohccis ožžo fálaldaga. Sis leat 86 proseantta ožžon saji vuosttaš válgii.
– Mii oaidnit dán jagi ahte leat eambbo oahppit geat ohcet fidnofágaide, ja leat maid eambbo ohccit oahpposajiide. Dat lea illudahtti go mii dárbbahit eanet čeahpes fágabargiid jagiin ovddas guvlui, lohká Oahpahusdirektoráhta direktevra, Hege Nilssen.
Stuora sohkabealeerohus
Dán jagáš ohcanlogut leat nu mo ovddit jagiid, báidnon árbevirolaš sohkabealeminstaris.
Leat earenoamáš olu nieiddat geat ohcet ja ožžot saji hábmen- ja giehtaduodjefágii ja dearvvašvuođa- ja bajásšaddanfágii.
Lunttat ges leat eanet logus huksen- ja ráhkadusteknihkka-, elektro- ja teknihkka ja industriijabuvttadanfágain.
Badjel 80 proseantta ožžo vuosttašsávaldaga
Sis geat ohcet Jo1 dássái lea riekti oktii golmma oahppoprográmmain, ja dán jagi leat 82 proseantta ožžon vuosttašsávaldahkii saji.
Oassemearri rievddada oahppoprográmmaid gaskkas.
