Eatnašat leat mielas bieggafápmohuksemii, muhto dušše jus bieggamillot eai leat oidnosis ásodatbáikkiide dahje tuvrabálgáide, čájehuvvo ođđa dutkamis.
Dutkama lea čađahan Ipsos Dagbladet-aviissa ovddas.
25 proseantta vástidit «juo» bieggahuksenfápmui várrehusa haga, dan botta go seamma stuorra oassi leat positiivalaččat bieggahuksenfápmui jus bieggamillot dahje bieggaturbiinnat eai leat oidnosis tuvra- dahje ásodatbáikkiin.
39 proseantta eai leat obanassiige mielas bieggamilluide ja 10 proseantta eai dieđe.
Dutkamis leat maid jerron lea go ordnegis hukset obban lundui oassálastiid ruovttusuohkanis main ledje seamma vástádusalternatiivvat.
Proseanttat juohkásit sullii seamma ládje dán gažaldagas go ovddit.
27 proseantta leat mielas, 25 proseantta leat mielas jus váruhit bieggamilluid oinnolašvuođa ja 41 proseantta eai leat mielas. 8 proseantta eai dieđe.
Geográfalaš erohusat leat smávvát.
Vuosteháhku lea veahá stuorát Gaska-Norggas go reasta Norggas.
Doppe leat 43 proseantta bieggahuksenfámu vuostá, 24 proseantta vástidit «juo» ja 23 proseantta leat mielas várrehusain.
Oslo-álbmot leat eanemus mielas bieggahuksenfápmui. 22 proseantta vástidit «juo», 25 proseantta leat mielas rehusain ja 35 proseantta eai leat mielas.
Dutkkus čađahuvvui geassemánu 12.-19. beaivvi.
©NTB
