Čiežas lohkásis dáhtoše Davvi-Norgga ruovdemáđija hukset gitta Finnmárkui, ii ge dušše Romssa gávpogii.
72 proseantta vástidit ahte Davvi-Norgga máđidja galggašii huksejuvvot gitta Finnmárkui, ii ge dušše Romsii, čájeha ABC Nyheteriid oaiviliskkadeapmi man Norstat lea čađahan.
14 proseantta ges dadjet ahte eai doarjjo ruovdemáđija huksemiid Finnmárkui ja 14 proseantta ii dieđe maid oaivvildit áššis.
Menddo divrras
Suoidnemánu 1. beaivvi ovdanbuvttii ruovdemáđiidirektoráhtta haddeguorahallamiid togamáđiija ektui.
Fuoskkus Romsii máksá hukset ruovdemáđija gaskal 113 ja 120 miljárdda ruvnnu ja das ii leat servodatekonomalaš gánnáhahttivuohta, oaivvildit eiseválddit.
Muhtin eará guorahallamis, man Respons Analyse lea ráhkadan VG ovddas, vástidit 60 proseantta ahte dáhtoše Davvi-Norgga máđija huksejuvvot.
20 proseantta eai doarjjo dan ja 20 proseanttas ii leat makkár ge oaivil dan birra.
Davvi-Norgga ruovdemáđii guorahallan lea gulaskuddamis golggotmánu 1. beaivvi rádjái. (©NTB)
