-Almmuhus-
OĐĐASAT– Eat dohkket ahte stáhta billista Jovsset Ánte ja su eallima 

– Eat dohkket ahte stáhta billista Jovsset Ánte ja su eallima 

-

-

– Stáhta lea álgán goaridit ovtta olbmo eallima. Dan mii eat sáhte dohkkehit, lohká dáiddár Elin Már Øyen Vister, gii lea ráhkadan juovlakaleandara ja bohccoadopšuvnna doarjun dihte Jovsset Ánte Sara ja su ea

 Dál lea dáiddárakšuvdna almmuhuvvon, «Vi Som Støtter Jovsset Ánte – Mii Doarjut Du!», vuosttaldan dihte Norgga ráđđehusa go gáibidit Jovsset Ánte Sara bákkus njuovvat ealu.

Akšuvnnas leat dáiddárat iešguđetge guovlluin Norggas ja Sámis, geat  geavahit dáidaga dego ráfálaš bissun stáhtalaš njuovvanniibbit ja fápmogeavaheami vuostá. 

 

Čájehit ahte dorjot su

Dát dáidda álggahuvvui go dáiddarat ožžo inspirašuvnna Mázejoavkkus, namalassii Sámi dáiddárjoavkkus, mat vuostálaste 1970- ja 1980-logus hukset Guovdageainnu/Álttá čázádaga. Nu go dalle, de váldet dáiddárat saji almmolaš báikkin ja almmolaš digaštallamis. 

 – Dáiddárakšuvnnain háliidit čájehit ahte mii doarjut nuorra boazodoalli Jovsset Ánte Sara, Pile O`Sápmi ja Máret Ánne Sara, gii lea Jovsset Ántte guoras čužžon nannosit vuosttaš beaivvi rájes, lohká Elin Már Øyen Vister. Son lea ovttas Anders Sunnain ja Ragnhild Freng Daleniin koordineren dáiddárakšuvnna. 


– Stáhta lea álgán goaridit ovtta olbmo eallima. Dan mii eat sáhte dohkkehit, lohká dáiddár Elin Már Øyen Vister.
Govven: Preassagovva

 

 

Heahpat go duvdet eret nuorra boazodolliid

Maŋŋel Stuoradikki jienasteami juovlamánu 11. beaivvi 2018:s, de bođii ovdan ahte eanetlohku háliida čađahit bággonjuovvama, vaikko ášši ii leat vel meannuduvvon ON olmmošvuoigatvuođalávdegottis. Olgešbellodat, FrP, Gurutbellodat ja KrÁ áirasat eai dáhtton gullat Sámedikki, Norgga Boazosámiid Riikkasearvvi ja opposišuvnna árvalusa máŋidit ášši. 

  – Sii oaivvidit várra ahte sii dihtet buorebut go sápmelaččat man nanaguoddevašvuohta lea boazodoalus, muhto liikká áddet ilolaččat konsešuvnnaid ruvkedoaimmaide, bieggamillopárkkaide ja fápmolinnjáid gássa- ja oljoindustriijai. Lea heahpat go váldet luonddubirrasa ággan duvdit eret nuorra boazodolliid boazodoalus, lohká Øyen Vister. 

 

Dáhton goas lea áigemearri njuovvat 75 heggii

Dáiddárakšuvdna «Vi som støtter Jovsset Ánte – Mii doarjut du!» lea kaleanddar mas leat 24 luŋkká, mii lohká beivviid juovlamánu 31. beaivvi rádjái – mii lea dáhton man Biebmo- ja eanadoallodepartemeanta lea addán boazodoallái Jovsset Ánte Sarai, go dalle lea maŋemus áigemearri njuovvat ealu 75 heggii.  

 – Mii almmuhit dáiddárakšuvnna oktiigullevašvuođain. Stáhta mii galgá soabadanprosessii galggašii leat njuoras, ii ge buktit evttohusaid vuimmiin, lohká Øyen Vister. 


– Stáhta lea álgán goaridit ovtta Jovsset Ante Sara eallima. Dan mii eat sáhte dohkkehit, lohket dáiddárat.
Preassagovva Jan Helmer Olsen

 

 

Ožžot beroštumi áššái

Go akšuvdna lea, de čogget seammás dáiddárat ruđa mii galgá geavahuvvot beaivválaš sáhkkui mainna stáhta ráŋggášta boazodoalli, nu ahte Jovsset Ánte ii galgga dárbbašit njuovvat maide ovdal go visot lea njuolgan. Dáiddárat geat leat kaleandariin veahkehan leat mielde oažžut beroštumi áššái, ja maid mielde olahit coagginakšuvnna dobbellii ja «adopteret» ovtta bohcco doarjun dihte sápmelaččaid rivttiid, seammás go Norga galgá doahttalit ON ja olmmošvuoigatvuođaid.

 

Ávžžuha čuovvut kaleandara ja adopteret ovtta bohcco

Kaleandaris leat iešguđetge dáidagat, govat, poesiija, luohti, duodji, jienat ja filmmat. Dáiddáriidda lea lunddolaš geavahit dáiddagiela fuolahan ja čájehan dihte movt stáhta gieđahallá Jovsset Ántte ja sámi boazodolliid áššiid. Sii háliidit ahte dat ášši galgá boahtit oidnosii servodagas, vai ii mana jáskadit guora. 

 – Dáidagis lea stuorat fápmu go bávkkalmasas, geahča beare Máret Anne Sara ja Pile O ́Sápmi, mii lea ožžon beroštumi olles máilmmis, loahpaha Øyen Vister, ja ávžžuha vel buohkaid čuovvut kaleandara ja adopteret ovtta bohcco nu ahte Jovsset Ántte eallu beassá viidásit eallit.  

Ragnhild Freng Dale.

 

-Almmuhus-