Kárášjogas ja Guovdageainnus mihtiduvvojedje buot čoaskáseamos temperatuvrrat Norggas golggotmánus.
Golggotmánnu lea oppalaččat olles Norggas leamaš čoaskáseabbo go dábálaččat. Davvi-Norggas eai leat nu vuollegis temperatuvrrat mihtiduvvon 2009 ja 2003 rájes. Maŋemus 30 jagis lea gaskamearálaš buolaštemeperatuvra golggotmánus leamaš -21.0 gráda.
Buollašeamos temperatuvra mihtiduvvui golggotmánu 28. beaivvi. Dalle čájehii temperaturamihttu -27,2 gráda sihke lulit Suolovuomis, Guovdageainnu suohkanis, ja Čoavddatmohkis, Kárášjoga suohkanis. Dát lea 2,4 ja 2,9 gráda buollašeabbo go dábálaččat, čállá Metrologalaš Instituhtta preassadieđáhusas.
