Cuoŋománnu lei earenoamáš bivval ja goikkis miehtá riikka. Temperatuvra lei 3,3 gráda bajábealde dan mii lea dábálaš. Dušše 2011 lei bivvalet dálki, dieđihit dálkedieđiheaddjit.
Cuoŋománnu lei ge dat bivvaleamos ja goikáseamos mihtádallan dan rájes go Metorologisk Instituhtta álggii mihtidemiin 1900, dieđihit dálkedieđiheaddjit.
Dušše 2011 lei goikáset, ii ge leat leamaš goikáset cuoŋománnu 1918 rájes.
Bivvaleamos dálki lei Finnmárkkus ja Vestlánddas 4-5 badjelis go dábálaš lea, máŋgga stašuvnnas.
Dálkeolahusat
Opplánddas, Vestfoldas, Telemárkkus, Aust-Agderis, Sogn ja Fjordanes ja Trøndelágas ledje dálkeolahusat bivvala ektui. Maiddái Buskerud fylkkas lei ođđa olahus.
Bivvaleamos dálki cuoŋománus mihtiduvvui Hokksundas, Buskerudas.
Cuoŋománu 29. beaivvi mihtiduvvui 26,2 gráda.
Goike ja báhkka mánus ii leat beare olu arvi. Riikkas lea obanassiige leamaš 40 proseantta unnit go dat mii lea dábálaš.
Vuolimus temperatuvra mii mihtiduvvui lei Eidfjordas Hordalánddas.
Doppe mihtiduvvui 22 buolašgráda cuoŋománu 12. beaivvi. Ii leat dábálaš ahte láve čájehit nie buollaša.
Beaivvášolahus Oslos
Lulli- ja Gaska-Norggas lea leamaš eanemus beaivvádat cuoŋománus. Oslos mihtiduvvui 293 diimmu beaivvádat.
Troandimis fas 308 diimmu, Bergenis 273 diimmu, Nordlánddas 227 diimmu, Romssas 148 diimmu ja Guovdageainnus 205 diimmu.
Boahttevaš beivviid vurdet muohttaga ja idjabuollašiid sihke Trøndelágas ja Vestlánddas.
(©NTB)
