-Almmuhus-
-Almmuhus-
-Almmuhus-
KULTUVRAEaralágan čájáhusrahpan Oslo Sámi Viesus

Earalágan čájáhusrahpan Oslo Sámi Viesus

-

-

Dovddus govvejeaddji čájeha govaid maid lea Guovdageainnus govven mannan dálvvi.

Oslo Sámi Viessu lohpida earalágan rahpama govvačájáhusas odne maid Snubba sápmelaš Per Heimly lea govven go lei mátkis Finnmárkkus mannan dálvvi.

Rahpamis galgá lassin leat musihkkabihttá ja sámi vuoigŋa. Dán dieđiha Sámi Viessu neahttasiiddus.

 

Finai Guovdageainnus

Ođđajagimánus dán jagi, lei Per Heimly mátkis Guovdageainnus ovttas Mikkel Gaupain ja Ari Behn:ain. Leat govat Guovdageainnus ja boarrásiiguin guovddážis maid son lea govven mátkis.

Čájáhus lea erenomaš ja dát leat barggut mat lea ođasin Per Heimly:ii. Mikkel Gaup lea maid ovttasbargan Per Heimly:n ovdal kultuvrralaš prošeavttain.

 

Iežas stiila

Heimly lea sierra luottaid ráhkadan iežas govvemiin, mii lea gaskka kommersiealla ja dáiddalaš sajis. Su govat boktet garra dovdduid go dávjá čájehit čábbodaga fasttes, dulbmojuvvon dáhpáhusain.

Čájáhusa rahpan lea odne diibmu 19.00 Oslo Sámi Viesus ja bistá čakčamánu loahpageahčai.

-Almmuhus-