-Almmuhus-
OĐĐASATEanet­lohku háliida stáhta doaimmahit ambulánsa­girdiid

Eanet­lohku háliida stáhta doaimmahit ambulánsa­girdiid

-

-

7/10 oaivvildit stáhta berre doaimmahit ambulánsagirdiid.

Sentio Research:as lei jearahallaniskkadeapmi Fágasearvvi ovddas gos čajehuvvo 71 proseanta oaivvildit ahte stáhta berrešii doaimmahit ambulánsagirdibálvalusa, čallá Klassekampen. 15 proseanta oaivvilda ges priváhta čoavddus, nu go otne lea, doaibma buoremusat.

Babcock doaimmaha ambulánsagirdiid Norggas, ja measta buot Babcock girdimat leat Davvi-Norggas. 83 proseanta sis geat ledje mielde jearahallamis, orrot dain guovtti davvifylkkain, ja oaivvildit stáhta galgá doaimmahit ambulánsagirdibálvalusa.

– Bártit ambulánsagirdiid bálvalusas lea čuvgen eanaš olbmuide ahte stáhta ferte ieš doaimmahit bálvalusa. Ovdalaččas leat buot bargiidorganisašuvnnat gáibidan dan seamma. Dál ferte dearvvasvuođaministtar Bent Høie ja ráđđehus guldalit álbmoga ja iežas bargiid, čallá Fágasearvvi jođiheaddji Mette Nord e-poasttas Klassekampenii.

Stáhtalaš doaibman

Bargiidbellodaga jođiheaddji Jonas Gahr Støre muitalii duorastaga VG:i ahte jus son šaddá stáhtaministtarin boahtte válggas, de son áigo bargagoahtit ahte stáhta váldá badjelasas ambulánsagirdi bálvaleami.

Dearvvašvuođaministtar Bent Høie (O) muitalii NTB:i seamma beaivve ahte son áigo vuordit áššedovdijoavkku árvalusa mii lea buoremus čoavddus, muhto Høie ii šiite ahte stáhtalaš ambulánsagirdi doaibman, sáhttá leat vástádus.

1.000 olbmo olles Norggas ledje mielde Sentio Research jearahallandutkamis.

(©NTB)

-Almmuhus-