58 proseantta álbmogis doarju pilohtaid SAS-bargoheaitagis, čájeha ođđa iskkus maid Norstat lea čađahan NRK ovddas.
– Ádden darbbu bargoheaitagii ja mun doarjjun dan. Doarjjun dieđusge ahte galgá oažžut buhtadeami barggu ovddas maid bargá ja ahte oažžu maid ánssášuvvon bálkká, dadjá Fridtjov Martin Fjelstad Fyksen NRK:i.
Son lea okta máŋgasis geat dorjot pilohtaid. Iskkus maid čájeha ahte 23 proseantta eai dieđe guđe beali dorjot, ja 20 proseantta álbmogis dadjet ahte eai doarjjo pilohtaid geat leat bargoheaitagis.
900 pilohta leat bargoheaitagis. Dat čuohcá 30.000 mátkkošteaddjái beaivválaččat. Gaskavahkku leat SAS ja pilohtat álggahan fas šiehtadallamiid.
(©NTB)
