– Eanet bivdit bivddus, buorre dálki ja eambbo lottit váris leat illudahttán oallugiid ja buvttihan buori bivdovásáhusa dán čavčča, dadjá Finnmárkkuopmodaga meahccehálddašeaddji Even Borthen Nilsen.
– Eanet bivdit bivddus, buorre dálki ja eambbo lottit váris leat illudahttán oallugiid ja buvttihan buori bivdovásáhusa dán čavčča, dadjá Finnmárkkuopmodaga meahccehálddašeaddji Even Borthen Nilsen.
Bivdoraporttat mat dál cohkket sisa čájehit eambbo rievssahiid sehkkii bivdiide, juoga mii vástida bures borgemánu árvomeroštallamiidda.
Ovttasráđiid geavaheaddjijoavkkuiguin mearriduvvui 150 rievssaha áigodatearrin gárduide ja ahte rievssatbivdu loahpahuvvo juovlamánu 23 beaivvi Sállanis ja sulluin Muosát gielddas.
Liige beroštupmi
Čakčabivddus leat vuvdojuvvon 6700 koartta bivdit smávvafuođđuid Finnmárkkuopmodagas. Dat leat olu eanet bivdokoarttat go vuvdojuvvojedje bivdoáigodagas 2014/2015. Bivdokoarttaid vuovdinjuohku lea 3515 bivdokoartta vuvdojuvvon bivdiide geat ásset Finnmárkkus ja 3185 bivdokoartta vuvdojuvvo galledeaddji bivdiide.
– Bivdokoarttaid vuovdima lassáneapmi lea vurdojuvvon. Dat positiiva hivvodatovdáneapmi Finnmárkkus, lotnolasat heajos jagiin olu sajiin máddelis riikkas lea dagahan liige beroštahttin finadit bivdime Finnmárkkus, lohká Borthen Nilsen.
Bivdoraporteren
Bivdoraporteren lea deaŧalaš oassi ceavzilis smávvafuođđohálddašeamis Finnmárkkuopmodagas, ja mii movttiidahttit bivdiid dađistaga buktit bivdoraporttaid. Oktiibuot 85 % vuvdon bivdokoarttain lea doibmiibiddjon bivddu várás dán rádjái. Dat vástida 30 773 doibmiibiddjon bivdijándoriidda, ja dain leat ožžon raporttaid 65 % ovddas.
Guovdageainnus njeidet eanemus
Guovdageainnu suohkan lea eanemus bivnnut suohkan bivdit rievssahiid. Eanas galledeaddji bivdit mátkkoštit Guovdageidnui, ja lea maiddái dáppe gos njeidet eanemus rievssahiid. Eanemus girona ja njoammila njeidet riddogielddain Ákŋoluovttas, Fálesnuoris, Muosáhis, Davvinjárggas, Davvisiiddas, Álttás ja Gáŋgaviikkas.
Lassánan dán čavčča
Rievssat- ja gironnjeaidimiid lohku lea čielgasit lassánan dán čavčča. Bivdit leat maiddái leamaš beaktileappot, ja gaskamearálaččat njeaidán 1,4 rievssaha juohke registrerejuvvon bivdobeaivvi.
Vuovdelottiid árvomeroštallamat geažidedje hivvodatniedjama ja čivgama, juoga mii maiddái oidno bivdostatistihkas. Gaskamearálaččat lea juohke bivdi njeaidán 0,12 vuovdelotti (čukčá, goahppil, hurri jna) juohke bivdobeaivvi Báhčaveajis dán čavčča.
Smávvafuođđuid njeaidinstatistihkka, áigodagaid 2014/2015 ja 2015/2016 (07.10.15)
| Nállit | 2014/2015 | 2015/2016 |
| Rievssat | 14 034 | 21 798 |
| Giron | 5 882 | 6 580 |
| Čukčá/Goahppil | 221 | 73 |
| Hurri | 65 | 24 |
| Njoammil | 859 | 463 |
| Čuonjá | 109 | 124 |
| Rieban | 20 | 15 |
Čuovvolančoahkkin
Čoahkkimis golggotmánu 15. beaivvi báikkálaš geavaheaddjijoavkkuiguin mearriduvvui 150 rievssaha juohke gárdu áigodatearrin. Áigodatearri mearriduvvui ovttasbargamiin Oarje-Finnmárkku loddebeanaservviin, Sámi bivdo- ja meahcástanservviin ja NJFF Finnmárkkuin. Gárdun álgá skábmamánu 1. beaivvi ja nohká njukčamánu 15. beaivvi.
