Finnmárkku fylkkagirjerájus áigu ovdánahttit ovttasbarggu girjerájusbálvalusa prošeavttain «Finnmárkkugirjerádjosat».
Finnmárkku fylkkagirjerájus áigu ovdánahttit ovttasbarggu girjerájusbálvalusa prošeavttain «Finnmárkkugirjerádjosat».
Prošektii juolluduvvui 900 000 ruvnno Našunálagirjerádjosis boahtte jagi ovddas. Prošeakta lea golmma jahkái ja mihttun lea oažžut eanet ovttasbarggu Finnmárkku girjerádjosiid gaskkas. Dasa lassin lea mihttu ahte girjerádjosat galget leat deaivvadanbáikkit ja olbmot galget sáhttit deaivvadit almmolaš ságastallamii ja digaštallamii.
Movttegat prošeavtta ovddas
Girjerájusjođiheaddjit Finnmárkkus lohket ahte eai livčče dán prošeavtta haga leat, ja sii leat finadan oahppomátkis Hordalánddas ja Bergenis.
Dál leat leamaš máŋggat girječállimátkkit, eanet prošeaktadoarjagat, ovttasbarggut ja doaimmat girjerádjosiin, go ovttasbargu lea álggahuvvon dán jagi.
