Eanet nissonolbmot go dievdoolbmot leat ohcan Norgga oahppobáikkiid alit ohppui 2017 čavčča.
Eanet nissonolbmot go dievdoolbmot leat ohcan Norgga oahppobáikkiid alit ohppui 2017 čavčča.
Maiddái UiT Norgga árktalaš universitehtas ledje eanet nissonolbmot go dievddut geat ohce alit ohppui dán jagi.
23 243 ohccis leat 13 489 nissonolbmo, mii dagaha ahte lea 58 proseantta nissonolbmo, čájehit Oktasaš sisaváldima bohtosat.
– Mis váilu ain dásseárvu nissonolbmuid oidun máŋgga bealis, ovdamearkka dihte mii guoská ealáhusdoaimmaid ja akademiija jođiheaddjin. Seammás leat mii ovdánáhttan váilevaš dasseárvvu dievdduid oidun mii guoská ohppui, oaivvilda Álbmotdearvvašvuođainstituhta doavttir ja direktevra Camilla Stoltenberg, gii lea maid UiT dearvvašvuođadieđalaš fakultehta stivrajođiheaddji.
Olggobealde «vuogasráji»
UiT rektor Anne Husebekk lea váldán medisiinnalaš doavttergráda 1989:s.
Son lohká ahte leat jođiheaddjin lea sihke gelddolaš ja addá sutnje olu, seammás go lea gáibideaddji.
Iežas barggu čađa lea son dávjá mielde mearrideames, mii sáhttá váikkuhit regiovnna, ja mii sáhttá seammás addit nationála ja internationála oalgeváikkuhusaid.
– Mun lean várra leamaš dilálašvuođain mat leat váddásat ja maidda in leat illudan. Jeđđehus lea ahte livččii leamaš liikká váttis dievdorektorii ja ahte dievdoolbmot maid ballet muhtumin. Dávjá lea sáhka das ahte ráhkkanit bures ja bargat nu buori barggu go vejolaš, muhtumin vel olggobealde iežat «vuogasráji», lohká Husebekk.
– Issoras bonjuvuohta
Rektor oaivvilda ahte lea vuorjašuhtti go ii leat sohkabealledássetvuohta iešguđet oahpuid ohcciid gaskka.
– Muhttin fágain lea issoras bonjuvuohta sohkabeliid gaskka ja dat váikkuha boahtteáiggi profešuvnna nu go ovdamearkka dihtii dearvvašvuođafágain, juridihkas ja inšenevrrafágas, muitala Husebekk.
Sohkabealledássetvuođa sáhttá oaidnit Norgga universitehta professoriid gaskka, gos birrasii 30 proseantta leat nissonolbmot.
– Leat measta beare unnán nissonjođiheaddjit ealáhusdoaimmain, veaháš buoret akademiijain, muhto liikká gávdnojit ain beare olu dievdooktoráđđenbáikkit, lohká Husebekk.
Sus gal lea osku ahte nissonat ja dievddut buktet iešguđet kvalitehtaid jođihanbargguide, ja ahte sohkabealledássetvuohta addá buoremus bohtosiid.
