-Almmuhus-
OĐĐASATEanet nissonat geat leat badjel 45 jagi ožžot mánáid

Eanet nissonat geat leat badjel 45 jagi ožžot mánáid

-

-

Eanet nissonolbmot šaddet eadnin maŋŋel go leat deavdán 45 jagi. Diibmá riegádahtte 154 nissona máná, geat leat badjel 45 jagi, dieđiha P4.

Loguid lea P4-radiokanála viežžan Medisinsk Fødselsregister:is.

Diibmá riegádahtte 154 nissona, geat leat badjel 45 jagi boarrásat, mánáid – ja lea 139 proseanta lassáneapmi 2009 rájes.

Dalle 65 nissona, geat leat badjel 45 jagi, ožžo mánáid.

Diibmá ledje Oslos eanemus nissonat badjel 45 jagi geat riegádahtte.

 

Maŋidit šaddat áhpeheapmin

– Ferte mearkkašit ahte nissonat háliidit maŋidit áhpeheapmin šaddat dassá leat boarráset, dahje lea ortnegis sidjiide šaddat áhpeheapmin go leat boarráset. Mii maid diehtit ahte eanet nissonat dárbbahit veahki šaddat áhpeheapmin, go oassi dáin nissonin leat badjel 45 jagi ja sis leat váttisvuođat šaddat áhpeheapmin, muitala váldodoavttir Kristine Stangenes Medisinsk Fødselsregisteris.

Bárisjahki lei 1967 go dalle ledje 160 nissona geat ledje badjel 45 jagi, geat ožžo mánáid.

Váldodoavttir Stangenes muitala ahte lei váttis háhkat prevenšuvnna dien áiggi.

 

Riska cuovkaneapmái

Lea hárve ahte nissonat badjel 45 jagi, ožžot mánáid iežas moniiguin, muitala profeassor ja váldodoavttir Anne Eskild Nissonklinihkas Akershus universitehtabuohcciviesus.

Son muitala ahte šattolašvuohta gahččá go nisson lea badjel 40 jagi boaris.

 

– Leat moattis geat lihkostuvvet áhpeheapmin šaddat dien agis. Vuosttažettiin lea váttis ja lea maid alla riska cuovkaneapmái, lea vuoiga unnimus 20 proseanta riska áhpehis nissoniidda cuovkaneami vásihit jus leat badjel 45 jagi boarrásat, muitala Eskild.

 

(©NTB)

-Almmuhus-