DNB seastinbáŋkovuođđudus lea juolludan Norges Husflidslagii 6,2 miljovnna DNB prošeavttaide «Dollagáttis» ja «Buot sáhttá divvut». Juolludeapmi galggašii movttiidahttit mánáid ja nuoraid áŋgiruššat ceavzilis ja vásttolaš golahusa.
Dát riikaviidosaš prošeavttat galggašedje oahpahit mánáide, nuoraide ja nuorra rávisolbmuide vuđolaš duddjonvugiid, divvut ja geavahit luondduburiid jierbmát. «Dollagáttis» ohppet guovzat, borramušárbevieruid ja muorradujiid. «Buot sáhttá divvut» prošeavttas lea mihttomearri oahpahit eanet olbmuid mo divodit biktasiid ja fuomášit iežaset golahusa. Norges Husflidslag ovttasbargá maid riikadásis Luonddugáhttenlihtuin «Dan stuorra Bivttaslonuhanbeivviin», ja husflidslag servviin leat rabas divvunbájit – Fikselaug (divvon- ja duogŋanbájit) oahpat iežas biktasiid divodit ja duokŋat.
«Dollagáttis» ja «Buot sáhttá divvut» prošeavttat lea mielde Norges Husflidslag «Doallevaš» vuoruheamis. Searvvis lea 355 báikkálaš searvvi miehtá riikka. ja barget olahit Ovttastahttojuvvon Našuvnnaid ceavzilvuođa ulbmila nummar 12 mii lea jierbmás golahus ja buvttadeapmi. Go mánát, nuorat ja rávisolbmot ohppet gos ja mo dávvirat ráhkaduvvojit, ja mo daid divvu go bieđganit, de lea sis buorre vejolašvuohta šaddat jierbmás golaheaddjin. Lea árbevirolaš oahppu man sii ohppet ja lea oassi min oktasaš vuoiŋŋalaš kulturárbbis.
Dat guokte prošeavtta čájehit ahte árbevirolaš duodjemáhttu lea áigeguovdil dán áiggi maid. Dan deattuhii DNB Seastinbáŋkovuođđudus go ruđaid juolludedje.
Ruđat mannet oastit rusttegiid ja reaidduid, gaskkusteapmái ja iešguđet duodjeteknihka kurssaide, giehtačállosat mo divvu, muorrabarggut, oahpahanfilmmaide ja oahpahit oahpaheaddjiid. Álgojagi 2022:s almmuhuvvui girji «Fiks det! En praktisk håndbok for fiksere», girji mo easkkaálgi sáhttá juohke beaivvi juoidá divvut.
