Filmarkivet neahttasiiddus leat eanet go 150 filmma main lea sámi sisdoallu almmuhuvvon.
Filbmačoakkáldat lea Ájtte duottar- ja sámemusea, Ruoŧa beale Sámedikki ja Gonagasa girjerádjosa ovttasbargu.
– Filmmat leat álgogeaži 1900-logus gitta 1980-lohkui. Leat sihke oanehis reportášat, dokumentárat, priváhtafilmmat ja guhkesfilmmat almmuhuvvon Filmarkivet-neahttasiidui. Filmmaid lea nuvttá geahččat dieđiha Filmarkivet.se.
Filmmat leat oassin sámi audiovisuála čoakkáldagain maid Ruoŧa Vetenskapsrådet lea ruhtadan.
