90 proseantta dievdduin háliidit šaddat jođiheaddjin, čájeha guorahallan mas leat jearahallan riikka ekonomiijastudeanttaid.
Nissonolbmuid searvvis vástida fas juohke gávccát studeanta ahte sus livččii seamma ambišuvdna.
71 proseantta nissonstudeanttain, geain ii leat áigumuššan šaddat jođiheaddjin, jáhkket ahte sii eai goassege oaččo jođiheaddjedoaimma.
Seamma oaivilis leat 29 proseantta dievdostudeanttain geain ii leat jođiheaddjeambišuvdna, čállá Dagens Næringsliv.
Ásahit fitnodagaid
Seamma studeanttain jerre maiddái háliidivčče go ásahit sierra fitnodaga go gárvejit oahpuset.
53 proseantta dievdduin ja 26 proseantta nissoniin háliidivčče álggahit iežaset fitnodaga.
Oktiibuot leat 597 ekonomiijastudeantta searvan iskkadeapmái man bargiidorganisašuvdna Econa lea čađahan. Vaikke dušše 20 proseantta studeanttain serve, de oaivvilda Econa ahte logut speadjalastet duohtavuođa.
– Bohtosat čalmmustahttet stuora váttisvuođa ja danin berrejit oahpahusbáikkit váldit ovddasvástádusa, dadjá Econa fága- ja servodatpolitihka ossodatjođiheaddji Maria Østerhus Lobo. (©NTB)