Geassebáhkat ja meahccebuollimat dagahedje ahte Norgga Siviilasuodjalusas lei eanet bargu go goassege ovdal.
Geassebáhkat ja meahccebuollimat dagahedje ahte Norgga Siviilasuodjalusas lei eanet bargu go goassege ovdal.
Oktiibuot ledje Siviilasuodjalusas 102 bargogohččuma mas 2961 olbmo oassálaste.
Maŋimuš gávcci jagi lea Siviilasuodjalus bargan gaskamearálaččat 42.000 diimmu jahkái.
Suoidnemánus časke buot olahusaid go barge badjelaš 54.000 diimmu.
– Lean hirbmat rámis ja giitevaš Siviilasuodjalusa bálvalusgeatnegahttiid ja bargiid barggu ovddas. Sii leat buori barggu bargan meahccebuollimiid čáskkadeamis ja leamaš buorre doarjjan ja veahkkin buollin- ja gádjunlágádussii, dadjá servodatsihkkarvuođa ja gearggusvuođa direktoráhta Cecilie Daae preassadieđáhusas.
102 bargogohččumis ledje 86 meahccebuollima čáskadeamen.
Siviilasuodjalusas leamaš čáskadanbarggot juohke áidna beaivvi suoidnemánus.
