Dán jagáš sápmelaš jienasteapmi lea bivnnuhis ášši min neahttasiidduin, dás oainnát makkár eará áššit vel leat eanemus lohkkun áššiid searvvis:
Dán jagáš sápmelaš jienasteapmi lea bivnnuhis ášši min neahttasiidduin, dás oainnát makkár eará áššit vel leat eanemus lohkkun áššiid searvvis:
Dása leat čohkken 10 eanemus lohkkon neahttaášši. Deaddil bajilčállagiid de beasat lohkat áššiid.
Dán jagi rahppui Ávvira ođđa neahttasiidu ja nu rahpasedje maid ođđa vejolašvuođat, dál sáhttit čađahit jienastemiid maid. Nu bohciidii jurdda addit lohkkiide vejolašvuođa jienastit dán jagi sápmelačča. Listtus leat 17 nama, geaid gaskka lohkkit leat beassan jienastit, dasa lassin lea vel sierra luohkká mas lohkkit besset árvalit «Lohkkiid evttohusa».
Jienasteapmi lea rabas otnážii, juovlamánu 31. beaivvi rádjai. Dát ášši lea lohkkon 6 300 geardde, ja birrasiid 3400 jiena leat boahtán. Dát lea oalle olu go jurddaša ahte juohke dihtoriin dahje mátketelefuvnnain ii sáhte jienastit eanet go oktii.
2. – Váddáseamos lei čiegadit dán
Sápmelaččat liikojit headjaságaide, dát lea nubbin eanemus lohkkon ášši. Anton ja Anne Kari Triumf náitaleigga geassemánus Anárjogas, sudno plánaid birra eai diehtán earát go Anne Kari váhnemat, báhppa ja Sunniva Juhls guhte ráhkadii násttiid sudnuide.
Soai searvvaiga muitalit dán birra Ávvirii, ja dát ášši, mii almmuhuvvui geassemánu 28. beaivvi, lea ge lohkkon 2 448 geardde.
Juovlamánu 28. beaivvi lei surgadis skohterlihkohisvuohta Kárášjogas, mas guokte nuora roasmmehuvaiga. Dát ášši lea min goalmmádin eanemus lohkkon ášši mannan jagis ja dát ášši lea ge lohkkon 2 361 geardde.
4. Háliida gáktenjuolggadusaid
Dát ášši lea njealjádin eanemus lohkkon ášši avvir.no siiddus. Kárášjoga gávtti ođasmahttin ja rievdadeapmi soardá duojára Áilen Nigá Elle Máreha, dahje Ellen Marit N. Eira.
Dát ášši duodjeoahpaheaddji ja duojára fuolastuvvama birra, bovttii reakšuvnnaid ja digaštallamiid, erenoamážit facebookas. Ášši lea lohkkon 2 140 geardde ja leage goalmmádin eanemus lohkkon ášši min neahttasiiddus.
Muitalus dan golbma lunttaža birra geat juovlamánu 28. beaivvi dieđihedje skohterlihkohisvuođa birra heahtevehkiide, lei nu bivnnut ahte dat maid gárttai min logi eanemus lohkkkon ášši searvái. Dát ášši almmuhuvvui juovlamánu 30. beaivvi ja lea lohkkon 2 100 geardde.
6. Gaskkalduhtii guovžaádjá borranbottu
Guovžaságat leat maid bivnnuhat min lohkkiid gaskkas, dá lea viđádin eanemus lohkkon ášši. Drošševuoddji Tom Erik Rasmus deaivvai miessemánu 8. beaivve iđida guovžža lusa boahtit juste go dat lei herskkostallamin.
Dát ášši lea lohkkon 2 053 geardde.
Beassážiid áigge galledii Isac Elliot Guovdageainnu, ja dasa gal liikojedje min lohkkit. Áššis leat máŋga video.
Ášši almmuheimmet cuoŋománu 1. beaivvi, dát ášši lea lohkkon 1 842 geardde.
8. Dieđihii biilla suoláduvvon, it jáhke gos gávdnui
Dát smávva ášši geasuhii maid olu lohkkiid, ášši lea lohkkon 1 833 geardde ja lea gávccádin eanemus lohkkon neahttaášši.
Áššis lea sáhka jierásnuvvan biilaeaiggádis ja dát almmuhuvvui skábmamánu 2. beaivvi.
Dán ášši almmuheimmet čakčamánu 14. beaivvi, dát lea lohkkon 1 659 geardde. Dán áššis muitala Roald Solbakken mo vásihii issoras dáhpáhusa.
10. Čiŋat sáhttet geažuhit mo meassuin manná
Dán áššái leat čohkken dološ diiddaid meassuid birra. Dán almmuheimmet cuoŋománu 2. beaivvi ja min lohkkit liikojedje diiddaid birra lohkat. Ášši lea lohkkon 1 598 geardde.
Otná báberáviissas beasat maid lohkkat makkár eará áššiid birra Ávvir lea čállán dán jagi.
