-Almmuhus-
OĐĐASATEanemus gehččo­juvvon filbma Sámi álbmot­beaivvi

Eanemus gehččo­juvvon filbma Sámi álbmot­beaivvi

-

-

«Eallogierdu – Tundraens voktere» šattai Norgga eanemus gehččojuvvon filbman Sámi álbmotbeaivvi maŋŋebárgga.

Lagabui 4000 olbmo miehtá riikka gehčče filmma vuosttaščájálmasa maŋŋebárgga, maid máŋga kino lágidedje Sámi álbmotbeaivvi oktavuođas, mas lea dábálaš kinočájálmas bearjadaga.

– Lean nu giitevaš ja ilus go nu ollugat háliidit geahččat filmma, ja go olbmuin leat nu buorit sánit filmma birra midjiide, dadjá filmma rešissevra, Sara Margrethe Oskal.

Ovttas neavttáriiguin ja báddema bargoveagain, oassálasttii Oskal feastačájálmassii Colosseum kinos Oslos, gos ledje olu gávttehasat rukses ránu alde. (©NTB)

-Almmuhus-