-Almmuhus-
OĐĐASATEanebut heavvanan go duššan johtolagas

Eanebut heavvanan go duššan johtolagas

Journalista

-

-

Dál bivdá Redningsselskapet gádjunorganisašuvdna bidjat eambbo návccaid eastadanbargguide.

Dán rádjai leat Norggas heavvanan 77 olbmo, ja 63 sis leat duššan johtolatlihkohisvuođain.

Dál bivdá Redningsselskapet gádjunorganisašuvdna juolludit ruđa riikkaviidosaš kampánjii boahtte jagáš stáhtabušeahta bokte.  Nu go dál orrot logut čájeheame, de šaddá 2018 vuosttaš jahkin go eanet olbmot heavvanedje go jápme johtolatlihkohisvuođain. 

– Lea seamma dehálaš eastadit heavvanemiid go johtolatlihkohisvuođaid, ja mii bivdit Ráđđehusa vuoruhit dan seammaládje stádabušeahtas. Dán geasi váivves heavvananlogut čájehit dál lea áigi dakkár kampánjii, dadjá váldočálli Rikke Lind preassadieđáhusas.  18 olbmo leat vuojadeami oktavuođas heavvanan, ja 16 sis ledje mánát ja nuorat vuollel 25 jagi.

Dán čállá NTB. 

-Almmuhus-