Vieksegiettis lea dušše okta biilasuorgi rabas maŋŋel go eanauđas fierai E6:š geidnui.
Ikte eahkedis, geassemánu 23. beaivvi, fierai eanauđas rastá E6:š geainnu Vieksegiettis, Báhcavuona suohkanis.
Romssa politiijaguovllus dieđihit ahte ii okta ge biila leat gártan eanauđđasa vuollái, muhto ahte eanauđas bilidii geainnu.
– Eanauđđasis ledje stuora geađggit mat leat billistan oasi geainnus, lohká Romssa politiijaguovllu operašuvdnajođiheaddji Karl Erik Thomassen NTB ođasdoaimmahahkii.
Geaidnu lei álggos gitta, muhto Stáhta geaidnodoaimmahat dieđiha ahte rahpe nuppi geaidnosuorggi maŋŋit eahkeda. Báikkis leat vuolidan leahttomeari ja johtolatčuovggaid bokte dirigerejit johtolaga.
