Jápminsivvaregisttar čájeha ahte vuosttaš golmma mánus pandemiijas jápme 236 olbmo Norggas. Badjel 90 proseanta sis ledje badjel 70 jagi geain lei kronalaš dávda ovdalaččas.
Measta buohkat geat jápme covid-19 geažil gudde kronalaš dávdda ovdalaččas, čájeha gaskaboddosaš Dødsårsaksregisttár vuosttaš golmma mánuin pandemiijas, čállá Folkehelseinstituttet iežaset ruovttusiiddus.
236 covid-19 jápmima mat leat registrerejuvvon njukčamánus miessemánnui 2020:s čájehit ahte 91 proseantta olbmo jápme go covid-19 vel lassin njoamui. Ovcci logádasoasis lei kronalaš dávda ovdalaččas ja ledje badjel 70-jahkásaččat.
Dávda mii eanemusat čájehuvvui kronalaš dávdan olbmuin lei váibmo-varrasuotnadávda. Eanemusat jápme stuora fylkkain nu mo Oslos, Vikenis ja Vestlánddas, ja 4 proseantta jápmimiin gevve eará báikkiin go dearvvašvuođaásahusain.