– Iskkadeapmi čájeha ahte eanas váhnemat leat duhtavaččat mánáid mánáidgárdefálaldagain. Čájeha ahte dahkko buorre bargu mánáidgárddiin, lohká máhtto- ja integrerenministtar Jan Tore Sanner.
– Iskkadeapmi čájeha ahte eanas váhnemat leat duhtavaččat mánáid mánáidgárdefálaldagain. Čájeha ahte dahkko buorre bargu mánáidgárddiin, lohká máhtto- ja integrerenministtar Jan Tore Sanner.
93 proseantta váhnemiin geat leat vástidan jearahallaniskkadeami, leat vástidan ahte leat oalle dahje hui duhtavaččat mánáideaset mánáidgárddiin.
Odne almmuhit iskkadeami loguid suohkaniid ja mánáidgárddiid dásis.
– 97 proseantta váhnemiin lohket ahte mánát loktet mánáidgárddis. Eanas váhnemat leat maid duhtavaččat dainna movt bargit movttiidahttet mánáid, lohká Sanner.
Eambbosat searvan
Seamma go diibmá, de moitet eanas váhnemat olgo- ja sisbirrasa. Dás lea maid earru almmolaš ja priváhta mánáidgárddiin.
85 proseantta váhnemiin priváhta mánáidgárddiin leat duhtavaččat visttiin. Suohkanmánáidgárddiin leat 76 proseantta váhnemiin duhtavaččat
Dán jagi leat 106 000 váhnema searvan iskkadeapmái, 2661 iešguđet mánáidgárddis. Iskkadeapmi čađahuvvo nuppes, ja váhnemat mearridit ieža servet go.
Iskkadeapmi muitala movt váhnemiid mielas orru mánáidgárdi gos sin mánát leat.
Duhtavaččat
Máhttodirektoráhtta čađaha iskkadeami, ja lea hui duhtavaš go nu olu váhnemat leat searvan.
– Dán jagi serve eambbosat iskkadeapmái, ja lea illudahtti go nu olu váhnemat servet, lohká Máhttodirektoráhta divišuvdnadirektevra Annette Qvam.
– Váhnemiid ja mánáidgárddi ovttasbargu lea dehálaš. Danne lea buorre go olusat servet, vai besset lohkat iežaset oaivila, lohká Jan Tore Sanner.
