-Almmuhus-
OĐĐASAT Eanaš sajiin Finnmárkkus bidjet mátkkošteddjiid errenáigái

Eanaš sajiin Finnmárkkus bidjet mátkkošteddjiid errenáigái

-

-

Dál leat máŋga gieldda Romssas ja Finnmárkkus mearridan ahte olbmot geat bohtet Lulli-Norggas galget biddjot errenáigái jos bohtet gielddaide.

Buohkat geat bohtet earret eará Kárášjohkii, Porsáŋgui, Romsii ja Áltái maŋŋel go leat leamašan Oslos, Agderis, Rogalánddas, Vikenis, Vestfoldas ja Telemárkkus, Innlánddas ja Vestlánddas galget ruovttuerrenáigái 14 beaivái. Dat guoská buohkaide geat leat ollen dáid báikkiide njukčamánu 9. beaivvi rájes.

Guovdageainnus, Deanus ja galget buohkat geat bohtet dohko errenáigái jos leat leamašan olggobealde Romssa ja Finnmárkku, ja Nordlándda.

Guovdageainnu suohkana neahttasiiddus čuožžu ahte olbmot geat bohtet Guovdageidnui Suomas, lulábealdde Lapplands Leana, Gihttela gielddas ja Suoločielggis galget maid errenáigái. Dat seamma guoská olbmuide geat bohtet Guovdageidnui Ruoŧas, lulábealde Norrbottens Leana. Norgga stáhta lea lohkan ahte lea ain vejolašvuohta johtit davviriikkain, muhto ahte fertet leat gearggus errenáigái, go rasttildat rájáid. 

Olmmoš gii lea errenáiggis galgá bissut iežas ruovttus. Olmmoš sáhttá dušše leat olggobealde ruovttu nu guhká go ii leat lagaš oktavuohta eará olbmuiguin.

- Advertisement -
-Almmuhus-