-Almmuhus-
OĐĐASATEanas rávesolbmot vuojáhallet go eai geavat šleđggona

Eanas rávesolbmot vuojáhallet go eai geavat šleđggona

-

-

140 vázziolbmo dahje sihkkelasti leat roasmmehuvvan čakčamánu johtolagas dán maŋemus vihtta jagi. Eatnasat leat rávis dievddut. – Ii leat beare árrat geavahišgoahtit šleđggona, dadjá dáhkádusfitnodat ja Trygg Trafikk.

Čakčamánu roasmmehuvvet eambbo olbmot go golggotmánu ja skábmamánu, čájehit dáhkádussuorggi statistihkat mat dieđihit olmmošvahágiid johtolagas, PETRAST.

– Measta gávccis logi olbmos, geat leat roasmmehuvvan čakčamánu johtolagas, leat vázziolbmot ja sihkkelastit badjel 25-jahkásaččat, muitala Frende Forsikring gulahallanhoavda, Heidi Tofterå Slettemoen preassadieđáhusas. Statistihkka maŋemus viđa jagis čájeha ahte 9 proseantta dain leat vuollel 14-jahkásaš mánát, ja 12 proseantta fas gaskal 15- ja 24-jahkásaččat. Guđas logi olbmos leat vázziolbmot ja sihkkelastit, gaskal 15- ja 64-jahkásaš dievddut. 

Dain loguin ii leat Finnmárku mielde, go Finnmárkkus eai leat registrerejuvvon roasmmehuvvamat.

-Almmuhus-