Duorastaga diibmu 15:00 bođii diehtu ahte Kárášjogas galgá leamaš eanandoarggástus, muhto čájehuvvui ahte Norgga čázádat- ja energiijadirektoráhtta (NVE) lea bávkaleame bávttiid.
Ávvira dieđuid mielde galget sihke Sámedikki vistii ja priváhtta viesut Kárášjogas sparaidan.
Eanandoarggadusvákta Yram Tuur muitala ahte sii leat ožžon dieđu ahte lea sparaidan Kárášjoga guovllus diibmu 15:00.
– Diibmu 15:02 bođii čielga signála midjiide ahte lea sparaidan nuortabeal Kárášjoga, muhto eat mii leat vel sihkkarat lea go eanandoarggástus vai leat go bávkaleame guovllus, muitala Tuur.
Ođasmahtton:
Kárášjoga sátnejođiheaddji Svein Atle Somby muitala ahte NVE lea bávkaleame bávtti Oalgeváris.
– Dat bávkalit bávtti dan váste vai besset ráhkadit gálliid maid áigot geavahit jus dulvagoahtá, dadjá Somby.
Somby muitala ahte sii leat bidjan dieđu gieldda neahttasiidui ahte NVE lea bávkaleame Kárášjogas.
Norgga čázádat- ja energiijadirektoráhtta (NVE) duođaštit ahte sii leat bávkaleame Kárášjogas.
