-Almmuhus-
-Almmuhus-
-Almmuhus-
OĐĐASAT– Eanandoallu ja boazodoallu dehálaččat mátkeealáhussii

– Eanandoallu ja boazodoallu dehálaččat mátkeealáhussii

-

-

Ráđđehus lea almmuhan dieđáhusa Stuoradiggái Norgga mátkeealáhusa birra. Dieđáhusas boahtá ovdán ahte eanandoallu ja boazodoallu leat dehálaš oasit mátkeealáhusas.

Boazodoalus ja eanandoalus leat olu resurssat, ja sáhttet máŋggabealat vásáhusaid fállat, dan dieđiha Eanandoallo- ja biebmodepartemeantta preassadieđáhusas.

– Galgat čevllohallat fálaldagaiguin maid fállat. Strategiija «Vásáhusat juohkehažžii» heiveha ulbmilguoski politihka ja mis leat alla mihtut. Norga galgá šaddat máilmmidovddus biebmonašuvdna. Mii galgat fállat turisttaide juste maid háliidit, lohká eanandoallo- ja biebmoministtar Jon Georg Dale.

 

Stuora vejolašvuođat

Norggas leat stuora vejolašvuođat vásáhusfálaldagaid fállat.

Das lea sihke biebmu, kultuvra, bivdu, guolásteapmi, boazodoallu ja kulturárbi. Ovttasbargu oasálaččaid ja surggiid gaskka lea dehálaš vai sáhttit fállat obbalaš mátkkoštanfálaldaga, čuožžu preassadieđáhusas.

– Leat stuora vejolašvuođat oažžut eambbo bargosajiid Norgii, ja lasihit árvohuksema. Dat lea danne go turisttat lassánit ja leat vejolašvuođat ovdánahttit suorggi eambbo, lohká Dale.

-Almmuhus-