Čoahkkimis áigot digaštallat boahttevaš hálddašeami Nordfjellas.
Čoahkkimis áigot digaštallat boahttevaš hálddašeami Nordfjellas.
Maŋŋel go CWD-dávda fuomašuvvui Nordfjella gottiin, de mearridedje jávkadit olles goddeealu mii dan guovllus lea.
Dat lea dahkkon, birrasii 2100 gotti leat báhčán.
19 gottis gávdne CWD-dávdda. Dán guovllus eai galgga šat leat gottit unnimusat viđa jahkái, vai dávda olle jávkat.
Dasto áigot fas doalvut gottiid Nordfjellai, ja cegget ođđa goddeealu.
Disdaga čoahkkinastá eanandoallo- ja biebmoministtar Jon Georg Dale guovllu sátnejođiheddjiiguin, das movt galget hálddašit guovllu boahtteáiggis.
Dan dieđiha ráđđehus iežaset neahttasiiddus.
Mihttun jávkadit dávdda
CWD dávda lea priondávda mii sáhttá sulastahttit eará dávddaid mat gusain ja sávzzain leat, go olu proteiinnat čoahkkanit vuoiŋŋamaččaide ja dagahit stuora gillášumi elliide, ja loahpas jápmá ealli dainna.
Go CWD gávdnui Norggas diibmá, de lei dat vuosttaš háve go Eurohpás gávdnui dat dávda. Dalle álge iskat sarvvaelliid; bohccuid, ealggaid, gottiid ja eará ruoigoelliid.
Mihttun goddeealu jávkadeamis lea bissehit dávdda leavvama ja maiddái jávkadit dávdda.
