Landbruksforum Trøndelag lea mearridan Eanadoalu 2022-2025 doaibmaplána Trøndelágii. Doaibmaplána čájeha man vuoruhemiid bokte man guvlui háliidit eanadoalu ovdánit boahttevaš njealji jagis. Dat boahtá Regionála gilášovdánahttinprográmma sadjái ja bidjá vuođu Regionála birasprográmmii, Regionála vuovde- ja dálkkádatprográmmii ja Trøndelága eanadoalu ealáhusaovdánahttimii.
Regionála ođasmahttin deattuha ahte galgá leat eanet regionálapolitihkalaš váikkuheapmi ja regionála ovttasbarggu nannen. Lei Trøndelága stáhtahálddašeaddji ja Trøndelága fylkkagieldda geat álggahedje oktasaš barggu hábmet ođđa regionála ealáhusstrategiija ja ráhkadit eanadoalu doaibmaplána. Doaibmaplána čujuha makkár vuoruheamit ja doaibmabijut galget leat eanadoaluhálddašeamis. Ulbmil lea ahte «Trøndelágas galgá leat eanadoallu man vuođđu lea máhttu. Buvttadeapmi galgá leat ceavzil ja addit vuođu eambbo arvoháhkamii». Das leat guhtta oasseulbmila: areálariggodat, eanadoallu, vuovdedoallu, eanadoalus vuolggahuvvon ealáhusovdánahttin, dálkkádat ja biras, čállá stáhtahálddašeaddji Trøndelágas preassadieđáhusas.
