Morten Bliena eamit ja mánát čuvvot gealdagasas mielde Mortena máilmmiolahusgeahččaleami.
Morten Bliena eamit ja mánát čuvvot gealdagasas mielde Mortena máilmmiolahusgeahččaleami.
Morten eamit Gunhild Blien ja sudno guokte máná čuvvot mielde Mortena ráhkaneami. Gánda lea farga guokte ja nieida farga njeallje.
– Nieida almmuhii juo diimmá geasi go čohkkedii smávva muohtaskohter ala: áhčči galggat dán skohtera ordnet vai mun ge sáhtán vuodjit čázi alde. Dalle lea stuorra beroštupmi. Mun oainnán Morten lea hirbmat gelddagasas, muitala Gunhild Blien.
Huikkila unna mánnabiigái; gánddaš lea čakŋamin johkii ja nieida viehkala gánda eretviežžat. Muitala lea nu somá go sáhttá bivddestit veahkki vaikko geas geat čuvvot Morten Bliena.
– In vuoje biilla dál. Čuovun baicce Team Blien Racing busse. Doppe oaidná joga bures, čilge Gunhild Blien.
Lohká son ii bala ahte isit bártida go vuodjit gal máhttá.
– Nu guhká go skohter doaibmá, de manná bures. Muhto olmmoš ii dieđe, sáhttá vaikko mii dáhpáhuvvat. Dát skohter lea aibbas ođas, lohká Morten eamit Gunhild.
Muhto son ballá ahte olbmot geat čuvvot dán máilmmeolahusa geahččaleami bártidit geainnu alde jus eai leat áicevačča vuojedettiin.
– Olbmot bissehit biillaid duos dás govven ja filbmen dihtii, eai ge fuomáš mii geainnu alde dáhpáhuvvá, čilge Gunhild Blien.
