Sámi DJ-kollektiiva Article 3 lea dovddus das go ráhkadit feastta dánsenláhttis. Jáhkku eamiálbmogiid riektái festet ja ieš válljet dánsenguoimmi, nu bovde kollektiiva DJ-čuodjamii mas leat maid vokálaovdanbuktimat.
Article 3 čuojaha lávvordaga Riddu Riđus, ovdal go Angelique Kidjo manná lávdái. Sii maid čuojahit Báldalávus bearjadaga.
Árbevirolaš čuojanasat
Ulan-Udes Buryatiyas boahtá Aldar Dashiev lagaskonsearttain yurtas, mii lea árbevirolaš tealtá geavahuvvon buryatariid nomádalaš eallimis. Dashiev čuojaha árbevirolaš čuojanasaid, nu go limbe ja khomus, ja lávlu buryatalaš guovlluid muitalusaid. Dás leat geahččit lahka artistta, juste dola lahka.
Dáidagat
Dáiddačájálmas «Binnáš vel!» čohkke sámi ja ruonáeatnama dáiddáriid čájáhussii Riddu Riđus. Dáiddáriid gaskkas leat earret eará Jenni Laiti, Joar Nango ja Buuti Pedersen.
