Ijahis Idja-festivála gohčoduvvo eamiálbmogiid musihkkafestivála ja lágiduvvo oahpes vuogi mielde Anára girkosiiddas. Festivála dáhpáhusbeaivvit leat borgemánu 17.-19. beivviid.
Ijahis Idja-festivála lea lágiduvvon 2004 rájes. Festivála lea Suoma áidna sámemusihkkafestivála.
Viiddis prográmma
Dán jagi lea lohpiduvvon viiddis prográmma. Leat sihke konsearttat, bargobájit, valáštallangilvvot nugo njoarosteamit, smávva musihkkaseminára, márkanat, ja mánáid ja nuoraid várás lea maid festivála.
Oahpes ja ođđa artisttat
Musihkkaprográmmas leat oahpes ja ođđa artisttat, ja dán jagáš váldonásti lea kanadalaš DJ-kollektiiva A Tribe Called Red.
Joavkku musihkas ovttastuvvet ođđa áigásaš hip hop, árbevirolaš pow wow-rumbbut ja lávlun elektrovnnalaš musihkkastiillat.
Vuosttaš geardde lávkemin lávdái
Ođđa joavku Indigenous Bastards lea maid vuosttaš geardde lávkemin lávdái.
Sii ráhkadit golmma sámegiel rapmusihka ja elektronalaš dánsunmusihka.
Joavkkumielláhttut leat anonyma ja Ijahis Idja lea áidna geardi go sáhtát vásihit joavkku lávddis.
Beakkán sami artisttat
Muđui leat beakkán sámi artisttat čuojaheame, earret eará Felgen Orkester, Solju, Kevin Boine ja Amoc, Ailo Valle & Trio Boogieman.
Lassedieđuid gávnnat Ijahis Ija neahttasiiddus: