Dássážii dán jagi leat SNO bargit váidán 67 olbmo lobiheamet firpmiin bivdán luosaid ja mearradápmohiid. Diibmá váide 47 olbmo.
Dássážii dán jagi leat SNO bargit váidán 67 olbmo lobiheamet firpmiin bivdán luosaid ja mearradápmohiid. Diibmá váide 47 olbmo.
2017 oaggunáigodagas lea Stáhta luonddubearráigeahčču (SNO) duoguštan 375 fierpmi, mat oktiibuot leat goasii 12 kilomehter guhko, čállá Bergens Tidende.
– Mii leat sihke behtohallan ja hirpmahuvvan. Lobihis luossa- ja mearradápmotbivddu viidodat lea nu stuoris ahte lea váttis jáhkkit ahte bivdet dušše iežaset atnui, lohká SNO direktevra Pål Prestrud.
Davvi-Norggas vearrámusaid searvvis
Davvi-Norggas ja Hordalánddas lea eanemus lobihis bivdu.
Gávcci logi duoguštuvvon fierpmis leat gávdnon Tromssas, Nordlánddas, Finnmárkkus ja Hordalánddas.
– Mii leat vávján ahte Hardangervuonas lea dilli buorránan maŋimuš jagiid, muhto mun vásihan ahte lobihis fierpmit lassánit muđuid Hordalánddas, lohká SNO riddosekšuvnna bearráigeahčči Hartvig Haugen.
– Vaikke muhtin guovlluin vásihat ahte eai leat šat nu olu lobihis fierpmit, de dat soaitá ovdamearkka dihte dušše mearkkašit ahte lobihis bivdit leat gávdnan eará báikkiid, nu ahte eat vuoiŋŋas dan dihte, lohká son.
(©NTB)
