-Almmuhus-
-Almmuhus-
SMÁVVAOĐĐASATEambbosat ohcet fidno­fágaide

Eambbosat ohcet fidno­fágaide

-

-

Dán jagáš ohcanlogut joatkkaskuvllaide čájehit ahte leat eambbosat dán jagi go diibmá geat ohcet fidnofágalaš oahpposurggiide. Ja  eai ge leat goassege nu olu nieiddat ohcan Huksen- ja ráhkadusteknihka-  ja Teknologiija- ja industriijafágaide go dán jagi.

– Dát lea buorre min bargoeallimii, gos dárbbašuvvojit eambbo čeahpes bargit. Mun sávan dát ohcanlogut mearkkašit ahte buot oahppit vásihit ahte sáhttet válljet dan oahpposuorggi maid háliidit, beroškeahttá sohkabealis, lohká máhttoministtar Tonje Brenna.

Dán jagi leat 2300 eambbo ohcci fidnofágaide go lohkanráhkkanahttifágaide. Seammás leat 1300 unnit geat leat ohcan oahppospesialiseremii, go buohtastahttá diimmá jagi ektui. Goitge lea oahppospesialiseren masa leat eanemus ohccit juohke jagi.

Stuora báikkálaš erohusat

Ohcanlogut čájehit stuora báikkálaš erohusaid. Møre ja Romsdal ja Nordlándda fylkkain leat eanemusat ohcan fidnofágaide. Dáin fylkkain leat 61 proseantta ohcciin válljen fidnofágaid, ja Oslos ges leat dušše 28 proseantta ohcan fidnofágaide.

– Ráđđehus áigu nannet barggu mii guoská oahpahussihkkarastimii buohkaide geat háliidit váldit fága- dahje sváinnasreivve. Dalle lea dehálaš oažžut eambbo oahpposajiid ja buori čuovvoleami. Fylkkasuohkanat galget de oažžut eambbo veahki sihkkarastit dán barggu, lohká Brenna.

Bivnnuhis fágat

Vaikko ohcanlogut Dearvvašvuođa- ja bajásšaddanfágii leat njiedjan, de lea goitge dán fágii eanemus ohccit. Teknologiija- ja industriijafágas leat nubbin eanemus ohccit oktiibuot, ja eanemus ohccit oahpposadjái. Dán fágas leat maid ohcanlogut eanemusat lassánan, go dál leat 540 eanet ohcci go diibmá.

– Dat lea dehálaš ahte mii oahpahit olu fágabargiid dáid boahttevaš jagiid. Ráđđehus áigu de bargat vai šaddet eanet oahpposajit, maiddái sihkkarastit duođalaš bargoeallima ja buktit dieđuid mat gusket bargovejolašvuođaide mat bohtet fidnofágalaš oahpahusas, deattuha Tonje Brenna.

-Almmuhus-