Eambbosat ja eambbosat mátkkoštit kolletiivvalaččat go galget vuolgit mátkkoštit Finnmárkkus.
Eambbosat ja eambbosat mátkkoštit kolletiivvalaččat go galget vuolgit mátkkoštit Finnmárkkus.
1 767 701 olbmo mátkkoštedje kollektiivvalaččat gáttis diibmá. Dat mearkkaša ahte lea lassánan 13 proseanttain 2016 rájes.
– Lea buorre oaidnit ahte váldoáŋgiruššan, mat leat expressbusset ja gávpotbusset, čájehit lasáhusa mielčuovvologuin, dadjá johtalusa váldolávdegotti jođiheaddji Geir Ove Bakken preassadieđáhusas.
Eambbosat ja eambbosat mátkkoštit kolletiivvalaččat go galget vuolgit mátkoštit Finnmárkkus. Oktii skuvlasáhtuin ledje oktiibuot 1 767 701 geat mátkkoštedje 2017:s 2016:i 1 564 614 ektui. Lasahus lea danin 13 proseantta.
Fálaldat buorránan
Eanemus lassaneapmi gal lea expressbussiin, 124 proseantta eambbo máksii mielčuovvut, mii dagahii 104 126 mátkkošteaddji 2017:s.
– Lassáneapmi čájeha ahte olbmot leat fuobmán ahte fálaldat lea rievdan ja buorránan, dadjá váldolávdegotti jođiheaddji.
Stuorámus lassáneapmi lea Varangerexpressenis mas lassaneapmi lea 208 proseantta.
– Mii leat ožžon olu ruovttoluottadieđuid mátkkošteddjin ahte Varangerexpressen lea buorránan, ja de lea ge buorre ahte dat mielčuovvologut speadjalastet daid buriid ruovttoluottadieđuid, dadjá son.
Hámmárfeasta sierra luohkás
Hámmárfeastas geavahuvvojit gávpot- ja gierdobusset eanemusat, ja lea áibbas sierra luohkás daid eará gávpogiid ektui.
– Bussegeavaheapmi Hámmárfeasttas čájeha ahte Snelandia lea deaivan bures ruvttuiguin, ja lea buorre oaidnit ahte busset geavahuvvojit olu, dadjá Bakken.
– Lea buorre lassáneapmi maiddái Girkonjárggas ja Álttás, mii čájeha ahte gávpogat dárbbahit buoret kollektiivvalašfálaldaga, mojohallá Bakken.
