-Almmuhus-
-Almmuhus-
-Almmuhus-
SMÁVVAOĐĐASATEambbosat duššan johto­lagas

Eambbosat duššan johto­lagas

-

-

111 olbmo leat dán rádjai dán jagis duššan johtolatlihkohisvuođain. Dat leat 36 olbmo eanet go diibmá seamma áiggi. 

– Massit beare ollu olbmuid johtolatlihkohisvuođain, dadjá Trygg Trafikk searvi.

Innlandet, Oslo, Romssa ja Finnmárkku fylkkain dat ledje vearrámus logut skábmamánus. Innlandet fylkkas leat measta duppalaston, go viđas dušše doppe. Oslos leat njealjis duššan, diibmá seamma áiggi duššai okta. Romssas ja Finnmárkkus leat ges golbma olbmo duššan johtolagas skábmamánus. 

– Mii eat dieđe siva lihkohisvuođaide. Eanas guovlluin riikkas lea siivu rievddadan, olu guovlluin leat muohttán ja leamaš gálljin luottat, dadjá Trygg Trafikk preassahoavda Christoffer Solstad Steen preassadieđáhusas. 

Son muittuha ahte vázzi olbmo lea váttis fuomášin seavdnjadin, earenoamážit vel jus lea čáhppes bievlaluodda ja ovddalboahtti biillat čuvget du guvlui arvin. 

– Danne lea hirbmat dehálaš vuodjit dohkálaš leahtuin. Galggat álo sáhttit bisánit luoitit vázzi olbmo rastá luotta. Dađi bahábut leat leamaš máŋga duođalaš lihkohisvuođa mas vázzi olmmoš lea vuojáhallan, dadjá son. 

-Almmuhus-