-Almmuhus-
-Almmuhus-
OĐĐASATEambbosat čađahit joatkkaskuvlla

Eambbosat čađahit joatkkaskuvlla

-

-

Masá miehtá Norgga lassánit oahppit geat čađahit joatkkaskuvlla, muhto nu ii leat Finnmárkkus. 

Eai goassege ovdal leat nu olu nuorat čađahan joatkkaskuvlla go dál. Masá 75 proseantta ohppiin geat álge joatkkaskuvlii 2012:s gárvejedje oahpu viđa jagi siskkabealde. 

– Lean hui ilus go buorit bohtosat joatkašuvvet. Mii leat ulbmillaččat bargan hehttendihte ahte nuorat heitet gaskan, ja dainna lihkostuvvat. Dattetge eat leat vel olahan ulbmila, áigumuš lea ahte ovccis lohkkásis čađahit joatkkaskuvlaoahpu, lohká oahpahus- ja integrerenministtar Jan Tore Sanner preassadieđáhusas. 

17 fylkkas lassánit oahppit geat čađahit joatkkaskuvllaoahpu, muhto Finnmárkkus ja Sogn og Fjordanes njiedjá lohkku.

Finnmárkkus čađahit unnimus oahppit joatkkaskuvlla, oktiibuot 62,2 proseantta gárvejit oahpu. Čađaheapmi njiedjá guvttiin proseanttain diimmá ektui. 

-Almmuhus-