-Almmuhus-
OĐĐASATEambbosat čađahit joatkkaskuvlla Finnmárkkus

Eambbosat čađahit joatkkaskuvlla Finnmárkkus

-

-

Logut čájehit ahte Finnmárkkus čađahit eambbosat joatkkaskuvla oahpu, Finnmárkku lahkonaddá riikkagaskameari.

– Orru leamaš ávki bargat garrasit vai oahppit čađahit, lohká oahpahushoavda Finnmárkku fylkkagielddas Lisbeth Sandtrøen preassadieđáhusas.

Duorastaga almmuhii Statistihkalaš guovddášfitnodat joatkkaskuvlla oahpahusa čađahanloguid jagiid 2011-2016 ovddas. Logut čájehit ahte Finnmárkkus lea čađaheapmi lassánan ovcciin proseanttain, diimmáža rájes.

 

Rampo oahpaheddjiid

Finnmárku lea dál 8,7 proseanta maŋŋelis riikkagaskameari. Vihtta jagi áigi lei Finnmárku 19,8 proseanta maŋŋelis riikkagaskameari.

– Lea illudahtti go dákkár lassáneapmi lea. Mii eat leat vel moalas, muhto lassáneapmi čájeha ahte lea ávki áŋgiruššat gelbbolašvuođa loktemis, lohká oahpahushoavda.

– Lea olu joatkkaskuvlla oahpahusa bargiid dihte, sii barget beaivválaččat vai nuorat ožžot dan buoremus vuođu oahpu čađaheapmái, lohka Sandtrøen.

-Almmuhus-